Meu recuncho

Unha vez vistos os distintos métodos e enfoques para o ensino/aprendizaxe de linguas estranxeiras, é hora de poñelos en práctica mediante o deseño de dúas tarefas, unha na que se empregue o Enfoque por tarefas , e outra, o método directo . Deste xeito, poderase comprobar se se entenderon correctamente as explicación dos distintos procedementos de E/A. En relación co contexto da respectiva Unidade Didáctica na que se inserirían esas dúas actividades, débese salientar que está dirixida ó alumnado de 3º da ESO, que asiste a un centro de ensino secundario situado no corazón da cidade de Ourense. Encádrase dentro do proxecto final de curso que consiste na elaboración dun folleto turístico e un vídeo curto con subtítulos en inglés, no que se amosen os aspectos máis relevantes (monumentos, gastronomía, cultura) desta vila termal. Este proxecto diríxese a un grupo de estudantes escoceses cos que o vindeiro curso realizarán un intercambio. A finalidade deste proxecto reside en q...

Presentación sobre os aspectos a destacar nos sistemas educativos de Canadá e Estonia. A escolla deste dous países debeuse, principalmente, a que Canadá continúa a ser un referente en canto a sistemas educativos mundiais, cunha educación, que aínda que segundo a provincia na que nos atopemos pode variar algo e non tendo un Ministerio de Educación do país, proporciona altas taxas de éxito. En relación co país estonio, pódese dicir que conseguiu grandes resultados nos informes europeos como o de PISA, superando incluso a Finlandia. Este cambio acadouse grazas o vixente currículo que teñen e que dotou ós centros de máis autonomía. Para seguir coñecendo os sistema educativos de Canadá e Estonia, deixo unha presentación na que se realiza unha comparación entre ambos sistemas educativos.  

Os temas 7 e 8 trataban sobre, por unha banda, o papel das linguas estraxeiras en España e o seu posto nos distintos informes europeos (PISA, Eurostat e Eurobarómetro), contrapoñéndose co destacado sistema educativo finés. Por outra banda, proporcionouse unha listaxe cunha serie de metodoloxías de ensino/aprendizaxe de linguas estranxeiras, nas que primaba o protagonismo da competencia comunicativa. Para a práctica realizada durante as sesións dos tema 7 e 8, fíxose a través do debate "en puzzle ", no que a clase se dividía en dous grupos de cinco persoas cada un, na que cada estudante se encargara de analizar unha parte para logo unir todas as pezas, de aí o seu nome. O obxectivo co era buscar nun libro de texto de inglés, cales serían o tipo e a cantidade de actividades que se clasifican segundo a recepción, produción, gramática, léxico e fonética e entoación. Cada persoa do grupo encargábase dun apartado e ó finalizar poñíase en común todo o que se atopase en cada s...

Nas últimas sesións e que polo tanto, dan remate á materia de "As linguas estranxeiras no contexto internacional e español", dedicáronse a impartición do tema 7 que vai sobre "O ensino e aprendizaxe de linguas estranxeiras en países da nosa contorna", e logo, o tema 8 que ten como título "As linguas estranxeiras como fenómeno global". Como colofón final, tiveron lugar as presentacións realizadas polo alumnado, que facían referencia a estes dous temas. O tema 7 xira entorno ó nivel de linguas estranxeiras que ten España, presentando informes como o PISA, Eurostat e o Eurobarómetro, e o caso finlandés, que destaca precisamente polo seu excelente dominio en idiomas. Segundo ese informes europeos, o nivel respecto ás linguas estranxeiras sitúa a España nos últimos postos da clasificación e cun coñecemento da lingua inglesa bastante baixo, aínda sendo o idioma estranxeiro que máis se fala. O emprego das linguas estranxeiras faise para manter conver...

Nas sesións pertencentes ó tema 6 sobre a metodoloxía CLIL/AICLE, realizáronse unha serie de actividades que afondaron en aspectos referentes a este asunto, e que sen dúbida contribuíron o asentamento dos coñecementos que se explicaron durante as distintas sesións.  O primeiro exericio que se levou a cabo foi o dun debate en pirámide, algo que xa empregáramos en prácticas anteriores e que consiste en establecer un intercambio de opinións comezando por parellas e rematando coa clase enteira. Neste caso o tema a debater foi sobre o Plan Edilingüe implusado pola Xunta de Galicia. En relación con esta cuestión, xurdiu a dúbida dentro do grupo de cales son a diferenzas entre centros plurilingües e seccións bilingües, pero non chegamos a unha definición clara de ambas, así que foi o propio docente o encargado de aclararnos os respectivos significados. Logo, tamén se destacaron as eivas presentes neste ambicioso Plan que pretende cumprir cos obxectivos impostos pola Unió...

O tema 6 centrouse na metodoloxía coñecida como CLIL (Content and Language Integrated Learning) ou AICLE (Aprendizaxe Integrado de Contidos e Linguas Estranxeiras) e como foi a súa incorporación ó currículo da nosa comunidade, a través do Decreto 79/2010 para a o plurilingüismo na ensinanza non universitaria e do Plan Edulingüe .  A metodoloxía AICLE consiste en "situacións en que as materias ou parte delas se ensinan a través  dunha lingua estranxeira cun obxectivo duplo, a aprendizaxe de contidos e a aprendizaxe simultánea dunha lingua estranxeira". Adaptouse en Europa no ano 1994 e a Unión Europea foi unha forte impulsora, posto que o plurilingüismo está moi presente nas identidades culturais de cada individuo. Hai uns anos que se está intentando implantar en Galicia mediante o Decreto 79/2010 que pretende que as materias non lingüísticas se cursen un terzo delas en galego, outro terzo en castelán e outro terzo no idioma estranxeiro que designe o centro educati...

Logo de ver os aspectos correspondentes coa programación didáctica e todo o que iso implica, pasouse á parte práctica do tema co obxectivo de ver que é o que se comprendeu e o que non. En primeiro lugar, volveuse a realizar un debate piramidal, no que o tema obxecto de discusión foi cales son os puntos imprescindibles que non deben faltar nunha programación didáctica . En parellas puxémonos de acordo sen problema, pero no grupo grande argumentamos ambas opcións, sendo unha cuestión fundamental nese intercambio e que se shegou finalmente, á seginte clasificación: Metodoloxía Obxectivos do currículo en conxunción cos do centro Atención á diversidade Temporalización Recursos Unha vez rematado o exercicio anterior, fíxose unha actividade por medio da aplicación "Kahoot", empregada tamén no tema anterior. O único que cambiou con respecto á outra sesión, foi que desta vez o test levaríase a cabo de xeito individual e cuns nomes que se asignaron aleatoriam...

Se no tema anterior, nos centramos no deseño do currículo e en todos os elementos que os conforman, agora avanzamos un paso máis e pasamos ás programacións didácticas , que como ven se viu nos graos de concreción curricular, pertencen o terceiro nivel e son os departamentos dos propios centros educativos os que se encargan de redactalas.  As programacións didácticas pódense definir como "conxunto de decisións adoptadas polo profesorado dunha especialidade nun centro educativo, ó respecto dunha materia ou área e do nivel no que se imparte, todo iso no marco do proceso global de ensinanza-aprendizaxe". Teñen unha estrutura orientativa definida pola Lei Orgánica 8/2013 para a mellora da calidade educativa, que se divide nas seguintes seccións: Secuenciación e temporalización de contidos Perfil de cada unha das competencias Concreción dos elementos transversais de cada área Estratexias e instrumentos para a avaliación Criterios de avaliación e cualificac...

Se nos volvemos a lembrar, o tema 4 céntrase no deseño curricular e en todos os elementos que o conforman, así como o de valorar a presenza das linguas estranxeiras durante todas as etapas educativas. Polo tanto, unha vez vista toda a teoría relativa a este tema, pasamos á práctica, co obxectivo de ver que coñecementos asentamos e cal era a nosa opinión, respecto a temas vinculados directamente co currículo.  Para comezar, establecemos a forma de debate piramidal na realización do primeiro exercicio. Este tipo de debate está dentro dunha metodoloxía participativa e que polo tanto, require a implicación do alumnado e que consiste en que logo de saber o tema a debater irase dende grupos máis pequenos (parellas) ata chegar a toda a clase no seu conxunto. É un xeito moi interesante de facer que os estudantes se sintan partícipes do que se está a opinar e de que tamén todos poidan expresar a súa opinión. No caso de que haxa persoas que se sintan cohibidas resulta moi efectivo, pois...

Este Tema 4 titulado "O deseño curricular" xira en torno ós elementos, competencias básicas e graos de concreción curicular, destacando sobre todo, o peso que teñen as linguas estranxeiras no currículo da Educación Secundaria Obrigatoria, Bacharelato, Formación Profesional e Escola Oficial de Idiomas nun contexto tanto estatal coma autonómico. En primeiro lugar, comezouse pola definición de currículo, que consiste na "regulación dos elementos que determinan os procesos de ensino e aprendizaxe para cada unha das ensinanzas" e que debe respostar ós interrogantes sobre que se ensina, como se ensina e como se avalía a aprendizaxe. Unha vez queda entendido o concepto, pasamos ós elementos que o conforman:  Obxectivos de cada ensinanza e etapa educativa. Que se refiren ós logros que o alumnado debe acadar o finalizar o proceso educativo. Neste apartado abordamos a falta de concreción que existe no currículo a nivel autonómico, pois no Decreto 86/2015 existe ...

Na sesión correspondente o tema 3, abordamos todo o que implica a metodoloxía de traballo por proxectos e tamén se puxo en práctica unha actividade por grupos, que consistía en elixir un libro de lingua estranxeira e nunha parte da unidade cambiar os exercicios que propuña por outros que se adaptaran máis o que buscamos como docentes. Con relación a metodoloxía baseada en proxectos pódese dicir que consiste en que o alumnado leve a cabo un amplo proceso de investigación para responder a un cambio ou pregunta complexa e que en todo iso se traballen os contidos básicos, así como as competencias que rexe a correspondente lei. Entre as vantaxes que trae consigo a aplicación desta metodoloxía destacan: - a autonomía e capacidade de decisión da que gozan os estudantes - promoción da capacidade de investigación - potencia o espírito autocrítico - máis importancia o proceso de aprendizaxe que o resultado final - desenvolvemento de habilidades como a empatía - implementación dun pro...